Axentes da Policía Local localizaron ás 4.00 da madrugada do venres a unha muller de idade avanzada nas Fontiñas, sentada diante do portal dun edificio, con signos de atoparse totalmente desorientada.
Segundo explicou a Policía Local, a muller díxolles aos axentes que estaba alí esperando a que abrise a barbería para arranxarse o pelo. Finalmente, os axentes conseguiron pescudar o domicilio de muller e acompañárona ata alí, onde a deixaron ao coidado do seu fillo.
