A Xunta publicou este venres na plataforma pública de Contratos de Galicia a licitación da obra de construción dun edificio dedicado ao manexo e á recuperación de exemplares de oso pardo na provincia de Lugo.
En concreto, a licitación desta obra corre a cargo da Consellería de Medio Ambiente, Territorio e Vivenda e conta cun orzamento de 92.457 euros.
O que se licita é a construción dun edificio específico para recuperar exemplares de oso pardo no Centro de Recuperación de Fauna Silvestre do Veral, no municipio de Lugo, un proxecto que está cofinanciado ao 75% con fondos europeos, con cargo ao Programa Life-Proxecto Ouso Courel.
O prazo de execución das obras é de 3 meses.
As empresas interesadas en facerse con ese contrato teñen de prazo ata o día 30 de maio para presentar as súas ofertas.
