O alcalde de Ourense, Gonzalo Pérez Jácome, cualificou este mércores de golpe "durísimo" as medidas impostas pola Xunta para frear a pandemia de covid-19 na comunidade, ante as que a rexedora lucense, Lara Méndez, reclamou á Administración galega axudas para os sectores máis afectados.
Segundo as novas medidas anunciadas este mércores polo presidente galego, toda a comunidade adiantará unha hora o seu toque de queda e a hostalería terá que pechar ás 18,00 horas. Ademais, todas as cidades e máis de medio centenar de concellos en situación de máximo risco quedarán pechadas perimetralmente.
No caso de Ourense, en máximo risco, a hostalería só poderá usar a terraza ao 50%, mentres que en Lugo, aínda que tamén volverá a perimetrarse, poderá empregarse tamén o interior dos locais ata
Tras ter coñecemento destas decisións, a alcaldesa de Lugo quixo felicitar aos cidadáns polo "seu bo comportamento", xa que a das murallas é unha das tres urbes galegas que queda en nivel de restricións medio-alto.
Aínda que "Lugo tivo un comportamento moi bo", recordou Lara Méndez, convén non baixar a garda para "buscar a tendencia á baixa nas cifras", que, apuntou, non debe esquecerse que "son persoas".
A "nova realidade" que vivirá Lugo desde o venres, destacou a alcaldesa, "volve afectar a sectores fundamentais da cidade", como a hostalería, polo que pediu á Xunta que "poña xa medidas encima da mesa para paliar esta situación".
UN "GOLPE DURÍSIMO". Pola súa banda, o alcalde de Ourense, Gonzalo Pérez Jácome, lamentou "moitísimo" que a Xunta viuse obrigada a tomar" estas decisións, que "non" cuestiona, pero que supoñen "un golpe durísimo para toda a economía e para toda a sociedade" ourensá.
Ourense, explicou Jácome, é unha cidade "con moita emigración", co que "o golpe do Nadal" co regreso de familiares "foi moi forte.
A partir de agora, explicou, confía en que "poida remitir canto antes" e póidanse levantar as restricións. "E que a vacina nos ampare a todos", finalizou.
Coa intención de axudar, na medida do posible, ao sector hostaleiro, Pérez Jácome avanzou que a Xunta de Goberno local desta semana suspenderá a aplicación da taxa de veladores para os locais de hosteleria durante o ano 2021 e tamén en 2022, ademais de 2020.
