A alcaldesa de Lugo, Lara Méndez, asegurou que este xoves xa está liquidado "o problema" da auga no feiral de San Froilán, despois de que problemas nos canos provocasen que atraccións e casetas do polbo quedasen sen subministración de auga da traída nos dous últimos días.
Méndez subliñou que o Concello traballou "desde o minuto cero" para "darlle solución". "Desde este xoves quedará solucionado ese problema", remarcou.