Unha lucense denunciou que varios adolescentes lanzaron este sábado pola tarde pedras á rúa desde a muralla, á altura da Porta de San Pedro.
Unha desas pedras estivo a punto de alcanzar á denunciante cando atravesaba a porta do monumento romano e dirixíase cara á rúa San Roque, onde tiña o coche aparcado.
A lucense, que advertiu do risco que entraña esta canallada, explicou que non puido presentar denuncia ante as forzas de seguridade porque nese momento encamiñábase co seu fillo a urxencias xa que se atopaba enfermo.
Asegura que, ao cruzar a rúa, viu a un grupo de cinco mozos detidos no adarve e ríndose e, cando viron que lles tomaba fotografías, incluso a saudaron.
