O Ministerio de Defensa concedeulle ao intendente xefe da Policía Local de Lugo, Jesús Piñeiro Santos, a Cruz ao Mérito Militar con distintivo branco, a proposta da Subdelegación de Defensa.
Este recoñecemento que se lle outorga "en atención aos méritos e circunstancias" que concorren no máximo representante da Policía Local de Lugo e pola "excelente colaboración e apoio" deste corpo tanto á Subdelegación de Defensa como ás Forzas Armadas.
A alcaldesa Lara Méndez, que mantivo este martes a habitual reunión semanal co intendente xefe da Policía Local, felicitoulle persoalmente pola concesión desta medalla e enxalzou a labor que desempeña ao fronte deste corpo.
“Dende o seu nomeamento é manifesta a melloría que experimentou o servizo, froito tamén da incorporación de máis medios e efectivos e da cobertura dos postos de mando pero, sobre todo, do excelente traballo de quen os lidera e asume a súa organización nun clima de diálogo e entendemento permanente non só co propio Concello senón tamén, a nivel colaborativo, co resto de forzas de seguridade que operan non municipio e na provincia”, afirmou a alcaldesa.
Jesús Piñeiro (Lugo, 1961), que leva máis de tres anos á fronte da Policía Local de Lugo, xa recibiu varias condecoracións desde que ocupa este cargo, como o ingreso na Orde do Mérito Civil ou a Cruz do Mérito da Garda Civil con distintivo branco.