A presenza de xabarís merodeando polos arredores de Lugo, e incluso pola o centro da cidadevolveuse unha imaxe habitual nos últimos meses. Infanta Elena, Garabolos, a Ronda da Muralla ou o Paseo do Miño son algunhas das zonas nas que se deixaron ver os animais, que xa non se asustan dos coches nin dos humanos.
A súa última aparición pola cidade amurallada produciuse este mesmo luns, cando polo menos dous exemplares foron pillados paseando tranquilamente pola rúa Marqués de Ombreiro, a poucos metros das vivendas.
Aínda que a súa proximidade á urbe xa empeza a ser frecuente, non deixa de sorprender a condutores e viandantes, que se pararon para inmortalizar a escena.
CAUSA DE ACCIDENTES. A fauna cinexética causou múltiples accidentes nas estradas da provincia de Lugo este ano. Os últimos, sen ir máis lonxe, a semana pasada, cando se rexistraron uns vinte sinistros provocados por xabarís.
