A Asociación Animalista Libera e a Fundación Franz Weber dirixíronse publicamente aos candidatos á Alcaldía de Lugo para que se comprometan, se chegan ao goberno local nas eleccións do 26 de maio, a suspender "a matanza de xabarís" no entorno periurbano da capital lucense.
Ambos os colectivos piden "un compromiso claro" por parte das "candidaturas chamadas a obter representación na corporación lucense" para pór "fin a unha medida innecesaria e inútil".
De feito, os colectivos animalistas pídenlles aos futuros membros da corporación municipal que "rexeiten as medidas da Xunta" porque existen "accións non letais para afastar aos animais ou para recolocalos, se se dese o caso".
En cambio, nestes momentos, "a Xunta, coa colaboración do Concello e da Deputación de Lugo, instalou gaiolas que serven para capturar e sacrificar aos suidos" e incluso avalou "que se fagan batidas en zonas de seguridade, en lugar de apostar polas medidas xa testadas noutros municipios", lamentan.
