O xabaril acabou por substituír o touro de Osborne na autovía A-6 ao seu paso por Lugo. Polo menos na imaxinación de moitos lucenses, que nos últimos días compartiron esta montaxe fotográfica cargada de enxeño e alusiva ás reiteradas visitas á cidade de exemplares deste paquidermo salvaxe similar ao porco.
Non é a primeira vez que en Lugo se recorre a memes para celebrar as continuas incursións de porcos bravos na capital lucense, probablemente buscando comida e fuxindo da fustrigación que sofren nalgunhas épocas do ano por culpa das actividades cinexéticas. Tamén se chegaron a distribuír camisetas e outros deseños alusivos a este fenómeno, que en ocasións provocou accidentes de tráfico polas irrupcións dos animais en vías moi transitadas.
