Axentes da Policía Local de Lugo, acompañados de membros da Protectora de Animais, descubriron nunha leira do Veral a dous cans de raza cruce de mastín nun estado deplorable polo que foron rescatados e levados á Clínica Rof Codina.
Os policías comprobaron que os animais carecían de microchip e tras as investigacións practicadas localizaron e identificaron ao propietario dos animais, B.B.L, sendo citado como investigado como presunto autor dun delito de maltratato animal.
Os animais estaban deshidratados, con carrachas e pulgas, polo que os axentes levantaron ademais actas de infracción á Lei de Protección e Benestar dos Animais de Compañía de Galicia.
