A nova metodoloxía de cultivo e caracterización de células nai de cancro de páncreas está baseada en forzar a fosforilación oxidativa (OXPHOS), un método desenvolvido conxuntamente por profesionais de varias universidades e centros de investigación médica de España e Alemaña, entre eles o grupo ZebraBiores da facultade de Veterinaria do campus de Lugo da USC, especializada en realizar ensaios con peixes cebra.
Esta investigación, que se prolongou durante preto de tres anos, supón un importante avance na loita fronte aos tumores pancreáticos detectados en humanos, segundo recóllese no artigo Exploiting oxidative phosphorylation to promote the stem and immunoevasive properties of pancreatic cancer stem cells, que acaba de publicar a revista Nature Communications no seu último número, e do que son coautores os profesores vinculados ao centro lucense Laura Sánchez Piñón, Pablo Cabezas Sainz e Juan Rubiolo.
