A Policía Local de Lugo interceptou un condutor que triplicou a taxa máxima de alcoholemia permitida, polo que foi citado para xuízo rápido por un delito contra a seguridade viaria.
Segundo informou a Policía Local, durante a madrugada deste xoves efectivos do Grupo Operativo Nocturno da Policía Local de Lugo estableceron diversos controis de alcoholemia en vías do centro urbano e detectaron a un condutor cunha taxa de alcol de 0,8 mg/l.
Iso supón a instrución de dilixencias por delito contra a seguridade viaria e a súa citación para xuízo rápido, destacaron as mesmas fontes policiais.
Ademais, foi interceptado outro condutor cunha taxa de alcol de 0,62 mg/l, polo que se lle abriu expediente sancionador con mil euros de multa e a retirada de seis puntos do permiso de conducir.
VEHÍCULO SUSTRAÍDO. Ademais, sobre as 23.00 horas do pasado mércores día 15 de setembro unha patrulla do Grupo Operativo Nocturno da Policía Local de Lugo localizou na parroquia de Santiago de Meilán, nunha zona de difícil acceso, unha furgoneta.
Unha vez comprobado nas bases de datos policiais, constatouse que o vehículo figuraba como subtraído, polo que se informou á Comisaría de Policía e ao seu propietario.
