domingo. 17.10.2021 |
El tiempo
domingo. 17.10.2021
El tiempo

Interceptado un condutor sen carné na Ronda da Muralla

Controles de la Policía Local en la Ronda da Muralla. SEBAS SENANDE
Imaxe de arquivo dun control da Policía Local na Ronda da Muralla. SEBAS SENANDE
A patrulla comprobou que nunca obtivera o permiso de conducir

A Policía Local de Lugo instruíu dilixencias por un delito contra a seguridade viaria na modalidade de xuízo rápido a un condutor interceptado na capital luguesa que nunca obtivo o permiso de condución. Segundo informou a Policía Local, foi interceptado sobre as 20.00 horas do 23 de xullo a Unidade de Ateigados da Policía Local de Lugo na Ronda da Muralla, ao volante a pesar de carecer de carné de conducir.

As mesmas fontes policiais destacan que este condutor enfróntase a unha pena de prisión de tres a seis meses ou con multa de 12 a 24 meses ou con traballos en beneficio da comunidade de 31 a 90 días.

SUPOSTO SEGURO FALSIFICADO. Por outra banda, sobre as 19.55 horas do pasado 24 de xullo unha patrulla da Unidade Territorial de Policía de Barrio da Policía Local de Lugo detectou a "circulación irregular", indican as mesmas fontes municipais, dun vehículo pola Avenida de Ramón Ferreiro, polo que o parou e solicitou a documentación do vehículo ao condutor. 

O individuo presentou un certificado de Seguro Obrigatorio de Automóbiles (SOA) que non "daba fiabilidade" aos axentes ao ter unha vixencia ata o mes de xullo de 2022, non corresponder o tomador e propietario co condutor, polo que se comprobou a través da base de datos da Dirección Xeral de Tráfico que o vehículo carece de seguro obrigatorio.

Ademais, os axentes puxéronse en contacto coa compañía de seguros que figura no documento entregado polo condutor, que manifestou que o vehículo carece de seguro desde o 13 de xullo.

Por iso, iniciouse expediente sancionador pola carencia do seguro e instruíronse dilixencias por se estes feitos poden ser constitutivos dun delito de falsificación en documento. Ademais, a Policía Local procedeu á inmovilización do vehículo. 

Interceptado un condutor sen carné na Ronda da Muralla
comentarios