Concello e Telefónica comezarán a instalación da fibra óptica no centro histórico da capital lucense pola mazá que delimitan a Praza do Campo, a Rúa Nova e as rúas Miño e Tinería. Así o acordaron na reunión que mantiveron este venres técnicos municipais e da operadora, á que asistiron os concelleiros de urbanismo, Miguel Couto, e de infraestruturas, Alexandre Penas.
O despregamento nesa mazá servirá como proxecto piloto para estender despois a banda ancha ao resto do recinto amurallado da capital lucense. Miguel Couto explicou que se elixiu esa zona porque, por unha banda, é onde se atopan asociacións empresariais, oficinas de turismo da Xunta e do Concello e un viveiro de empresas e porque, por outra banda, é "representativa das distintas tipoloxías arquitectónicas que teñen cabida na zona vella da cidade".
CONECTIVIDAD. O edil de urbanismo destacou que a conectividad é "unha ferramenta laboral indispensable, e máis neste contexto social de pandemia". Incidiu ademais en que este un elemento que pode facilitar o turismo.
Alexandre Penas, pola súa banda, considera que se trata dun paso adiante nunha reclamación histórica da veciñanza do centro da cidade".
Este equipo de traballo acordou manter unha nova reunión dentro de 15 días para realizar unha posta en común das tarefas que leven a cabo durante as dúas próximas semanas.
Ademais da o centro histórico, o Concello de Lugo e Telefónica levarán a banda ancha ao rural. Dará servizo a máis de 3.000 inmobles de 162 núcleos, polo que o 80% desta zona terá cobertura. Está previsto que entre en funcionamento o próximo ano.
