A concelleira de Cultura, Maite Ferreiro, anunciou este venres, despois da reunión da comisión de festas, que o número de concertos nas patronais de San Froilán, declaradas de Interese Turístico Nacional, aumentará significativamente na edición deste ano, ao pasar de 34 en 2018 a 49 na edición de 2019.
A edila precisou que a oferta inclúe a grupos nacionais e internacionais, de todos os estilos musicais e que, en algún caso, tocarán en exclusiva en Lugo, dado que non teñen programadas outras actuacións en Galicia.
Haberá "seis grandes concertos" na Praza Horta do Seminario, e outros 27 na de Santa María, ademais doutras 16 actuacións noutros emprazamentos da cidade.
Ademais, dixo Ferreiro, nesta edición gran parte do "protagonismo" da gran "festa do outono galego "recaerá nos grupos de Lugo, cun total de 50 actuacións".
Entre as actuacións confirmadas este venres figuran Javier Gurruchaga, da Orquestra Mondragón; Miguel Costas, de Siniestro Total e Aerolíneas Federales; Bernardo, de Los Refrescos e Iguana Tango e o exsolista de grupos como Los Inhumanos,
Maite Ferreiro tamén anunciou as actuacións da cantante Sés e do grupo Tanxugueiras.
