jueves. 17.10.2019 |
El tiempo
jueves. 17.10.2019
El tiempo

O barrio vip de Lugo que o Ine converteu por erro nun dos máis pobres de España

Vivendas unifamiliares na Rúa Pontevedra. AÍDA SOENGAS
Vivendas unifamiliares na Rúa Pontevedra. AÍDA SOENGAS
Unha "anomalía técnica" neste informe situaba ás Casas Baratas á vez en renda que a Cañada Real de Madrid e que as Tres Mil Vivendas de Sevilla

Máis dun lucense, incrédulo, fregouse os ollos cando viu que o informe do Instituto Nacional de Estadística (Ine) situaba como a zona con menos renda da capital lucense a que forma o cadrado delimitado por Camiño Real, Rúa Tui, Fonte dos Ranchos e Ronda da Muralla. Pero este non só era sinalado como o distrito máis pobre de Lugo senón que tamén figuraba á cola de toda España, en dura competencia coa madrileña Cañada Real e as Tres Mil Viviendas de Sevilla.

Atribuía aos habitantes desta zona unha renda media anual de 2.897 euros por persoa, case o triplo menos de ingresos que os seus concidadáns de Abella e Sagrado Corazón.

O Ine apresurouse a aclarar que se trata dunha "anomalía técnica" e que pescudará a que se debeu ese malentendido.

Estatística asígnalle unha renda por persoa similar a guetos como a cañada Real de Madrid ou as Tres Mil Viviendas de Sevilla

Aos lucenses chocoulles o dato porque nesta zona, erroneamente cualificada como paupérrima en función da renda dos seus residentes, localízanse as chamadas Casas Baratas, os chalés que se reparten polas rúas Ourense, Mondoñedo e Pontevedra. Algunhas desas vivendas unifamiliares teñen como propietarios a coñecidos empresarios, profesionais liberais e altos funcionarios públicos.

Hai apenas uns meses dous chalés pareados, sitos nunha parcela duns 650 metros cadrados na Rúa Ourense, que levan anos abandonados e que precisan unha custosa rehabilitación, lucían un cartel que informaba de que estaban á venda por 495.000 euros.

Esta é tamén a zona na que botou a andar fai máis de catro décadas un dos grupos empresariais máis fortes da provincia, Arenal Perfumerías.

A palla no ollo deses atractivos chalés non debe impedir ver a viga de inmobles abandonados que puntualmente se distribúen por rúas como Tui ou Pontevedra, onde hai un que adoita recibir a visita de okupas e sufrir incendios.

O barrio vip de Lugo que o Ine converteu por erro nun dos máis...
Comentarios