O misterio dos vestidos de noiva de Muxa, en Lugo, chegou a oídos do mismísimo Íker Jiménez. O xornalista especializado no paranormal compartiu unha imaxe do camiño no que foi colocada de forma coidadosa esa roupa de cerimonia.
"Un vestido así apareceu colgado, xunto a outros, nunha corredoira de Galicia. Unha vestimenta similar deume un dos sustos da miña vida hai quince anos. Pero en Xaén", escribiu Jiménez en Twitter, que abriu a porta a contarlle aos seus seguidores aquela historia pasada. Por agora non o fixo.
Un vestido así ha aparecido colgado, junto a otros, en una corredora de Galicia.
Un atuendo similar me dio uno de los sustos de mi vida hace quince años. Pero en Jaén.
Un día, si queréis, os lo cuento. pic.twitter.com/kyIOyDmUOl— Iker Jiménez (@navedelmisterio) August 14, 2019
No camiño situado na parroquia de San Salvador de Muxa, e poucos metros antes dunha enorme montaña de roupa sucia, obsérvanse varios vestidos de noiva e de comuñón coidadosamente colgados das súas perchas sobre ramas das árbores. Algún deles, incluso, conserva o seu envoltorio de plástico para que non se dane ou se ensucie o tecido.
A presidenta da asociación de veciños Piñeiro Rancho Grande mostrouse sorprendida pola existencia de vestidos de noiva aparantemente impolutos. "Ninguén entende por que a xente deixa a roupa así en zonas que ademais son de difícil acceso", apuntou Flora Rubinos.
