Axentes da Policía Local de Lugo denunciaron a sete persoas a pasada madrugada por incumprir o toque de queda decretado polas autoridades sanitarias para controlar a pandemia e evitar a propagación da covid-19. Segundo informou a Policía Local, as denuncias producíronse por mor dos controis de seguridade despregados pola cidade para velar polo cumprimento da normativa sanitaria e, en concreto, do toque de queda, decretado ata as 23:00 horas (a partir do venres será ás 22 horas).
Todas as persoas sancionadas atopábanse na vía pública superada esa hora e sen causa para non respectar o toque de queda. De feito, todas elas foron sorprendidas a altas horas da madrugada, unha delas incluso ás 3:25 horas.
As persoas denunciadas foron descubertas polos axentes cando transitaban pola Avenida da Coruña e as rúas Santo Graal, Mar Cantábrico e Illas