Un mozo foi identificado de madrugada tras atacar a outros cun vaso no interior dun pub do centro histórico e provocarlles cortes nas mans.
O altercado produciuse na noite do sábado ao domingo, cando un mozo se achegou a unha patrulla da Policía de Barrio, que realizaba labores de strong <>vixilancia polo centro histórico, e pediulle axuda aos axentes. Segundo contoulles, outro mozo agredíralle cun vaso de cristal no interior dun local de lecer nocturno da Rúa do Miño. Ademais, xusto nese momento, outra moza achegouse aos policías e manifestoulles que tamén fora agredida pola mesma persoa.
Os policías comprobaron que os dous denunciantes presentaban “feridas sanguentas” nas mans, polo que solicitaron a intervención dos servizos sanitarios. Os axentes montaron tamén un dispositivo de procura, cos datos achegados polos agredidos, e localizaron ao presunto agresor na Praza de Fernando Casas Novoa. O sospeitoso, que foi recoñecido polas vítimas, atopábase indocumentado, polo que foi trasladado ás dependencias da Policía Local para proceder á súa identificación.
Esa mesma noite, os axentes desprazáronse tamén a un domicilio da capital e ás inmediacións dun turismo estacionado no Paseo do Intre, tras recibir varias chamadas á Sala do 092 por presuntos casos de malos tratos. Os policías comprobaron que, en ambos os casos, tratábase de discusións de parella sen maiores consecuencias.
