A unidade de lesionados de tráfico do hospital Ribera Polusa atendeu a máis de 10.000 pacientes desde a súa posta en marcha, fai máis de 20 anos, pola necesidade de ofrecer unha atención específica aos accidentados de tráfico.
Este servizo ofrece aos lucenses a oportunidade de recibir unha asistencia sanitaria integral por parte dun equipo multidisciplinar de profesionais especializados en lesións de tráfico, independentemente de que teñan ou non un seguro privado de saúde e da responsabilidade do accidente.
A atención sen demoras e sen listas de espera, xunto coa calidade asistencial son a mellor carta de presentación deste servizo que se converteu nun referente sanitario na provincia de Lugo.
De feito, a súa excelencia foi recoñecida pola Fundación Pública Urxencias Sanitarias de Galicia 061, que desde 2012 deriva ao hospital Ribera Polusa aos accidentados de tráfico para optimizar os recursos e diminuír a carga asistencial nos centros sanitarios da rede de hospitais públicos de Galicia.
LIBERDADE DE ELECCIÓN. Unha parte da cidadanía descoñece que as persoas accidentadas de tráfico dispoñen de liberdade de elección de centro hospitalario.
Este dereito permite ao paciente decidir tanto o centro sanitario ao que acudir tras o sinistro como o lugar onde realizar a rehabilitación das súas lesións, polo que as compañías aseguradoras non poden impor aos seus asegurados nin o profesional nin o hospital no que realizar estas atencións.
Tanto o hospital Ribera Polusa como as Clínicas Santo Domingo
