A facturación dos hospitais privados de Lugo rolda nestes momentos os 20 millóns de euros. No caso de Polusa, as cifras do último exercicio foron de 10,2 millóns, dos que ao redor de 3,4 millóns facturáronse ao Sergas.
Os concertos coa sanidade pública son unha parte importante da súa actividade, pero non a principal. Porcentualmente, é lixeiramente superior a actividade que presta o Ollos Grandes á sanidade pública que a que realiza o hospital Polusa.
Lugo está, ademais, entre as provincias onde o gasto do Sergas na sanidade privada é máis baixo. Así, só o 9,6 por cento dos fondos que a sanidade pública galega destina á concertada gástanse en Lugo.
Polo demais, os concertos co Sergas están pechados para os próximos tres anos e, xa que logo, os resultados dos hospitais privados dependen do mercado. Este non ten só carácter privado. Así, gran parte dos pacientes que se atenden en Polusa son, por exemplo, de Muface, de mutuas laborais ou de tráfico.
Máis aló deses servizos, están os puramente privados, que este ano se viron moi afectados pola Covid, segundo recoñeceron os centros a través da patronal galega, que nun informe apuntou que as intervencións cirúrxicas descenderon un 82 por cento, as probas diagnósticas caeron un 77 por cento e as urxencias, un 75 por cento. Ademais, as consultas baixaron un 68 por cento, os ingresos hospitalarios un 65 por cento e os ingresos Uci esborralláronse un 62 por cento como consecuencia da pandemia.
A situación está a recuperarse e, por exemplo, Carlos Díaz, de Comisións Obreiras, sinalaba que en Polusa a actividade recuperouse "con moita forza" tras o parón do Covid. Pero o interese dos grupos grandes por hospitais privados de pequeno tamaño como os de Lugo non se limita só á capacidade asistencial ou de factuación que teñan neste momento, senón que son tamén pezas de face a conformar un sistema sanitario privado que foi gañando peso nos últimos anos.
Nesa liña, Polusa podería ter un peso específico importante e é que, a pesar de ser un centro relativamente pequeno en tamaño, o hospital lucense logrou situarse no posto 36 nun ranking dos 50 mellores centros sanitarios privados do país, publicado fai algo máis dun ano. Isto converteulle nun dos tres centros galegos que figura no informe da quinta edición do denominado Monitor de Reputación Sanitaria (MRS), xunto ao tamén pertencente ao Grupo Sanitario Ribeira Saúde, Povisa de Vigo, no posto 21, e ao hospital Juan Cardona, de Ferrol, no 45.
