Un home quedou no mediodía deste mércores encerrado no cemiterio municipal de Lugo e foi unha patrulla da Policía Local a que finalmente lle axudou a saír das instalacións.
O camposanto ten un horario de visitas de 10.00 a 13.30 e de 15.30 a 19.00 horas e, pouco antes do peche, faise soar unha sirena para advertir da hora. Con todo, o home despistouse e non prestou atención ao aviso polo que cando se dirixiu á saída atopouse a porta pechada. Chamou ao 010, que deu o aviso á Policía Local.
