Un home foi detido este sábado en Lugo logo de agredir a súa exparella en Luanco, en Asturias, cun coitelo e causarlle diversas lesións das que estaba a ser atendida no Hospital San Agustín de Avilés.
O detido tiña unha orde de afastamento da súa exmuler que se saltou á primeira hora, motivo polo que foi detido e posto a disposición xudicial.
Tras esa primeira detención o xuíz decretou a súa posta en liberdade. Foi entón cando o agresor para volver ir en procura da súa exparella que neses momentos se atopaba no establecemento que rexenta en Luanco. Nesta segunda ocasión o home portaba un coitelo co que agrediu á muller causándolle diversas feridas que, en principio, non revisten gravidade.
Tras a agresión, o agora detido fuxiu, enfrontándose no camiño incluso a algunha persoa que tratou de paralo. A Garda Civil trasladou inmediatamente a orde da súa procura e detención e logrou interceptalo en Lugo, onde permanecía este sábado detido.
