A parroquia de Santa Comba celebra a partir deste venres as súas festas patronais, organizadas grazas a unha comisión de festas intergeneracional, que encabeza José Villares, un veciño de 86 anos que traballou como mineiro en Asturias e volveu á parroquia tras xubilarse. Xunto a Villares, integran a comisión un grupo de veciños de entre 25 e 40 anos.
Os festexos arrincan este onte á noite cunha degustación de petiscos e unha actuación do grupo Areal. O sábado haberá verbena a cargo do grupo Boomerang.
Os festexos seguirán o domingo, con misa ás 12.30 horas no campo da festa e sesión vermú a cargo do grupo Boomerang, e verbena coa orquestra Marbella. As celebracións pecharanse o luns, cunha misa solemne ás 12.30 e unha sesión vermú con D'Nika.
Desde as 18.00 horas haberá xogos populares, inchables, pista de futbol 3x3, maquillaxes, globoflexia e festa da espuma. Los Satélites tocarán, a partir das 23.15 na verbena final. A parroquia conta na actualidade con preto de 400 habitantes.