Unha cuadrilla integrada por cinco homes deu unha malleira a un mozo durante a madrugada do domingo á porta dun pub da rúa Catedral e logo deuse á fuga. O suceso rexistrouse sobre as 4.30 horas cando, segundo relatou o mozo, de 20 anos de idade, un grupo de cinco homes de etnia xitana comezou a meterse con el cando se atopaba tomando copas nun dos locais.
Xa na rúa, os homes comezaron a golpealo e iniciouse unha pelexa da que saíu mal parado o mozo, quen acabou cunha cella rota e varias mazaduras. As testemuñas da pelexa alertaron á Policía Nacional, que acudiu ao lugar dos feitos. Tras dar a vítima unha descrición dos agresores, iniciouse unha procura polas rúas do centro que, de momento, resultou ser infrutuosa.
O mozo, que tivo que ser atendido das feridas por unha ambulancia, aínda non presentara este domingo pola tarde denuncia contra os seus agresores.
A Rúa Catedral é unha zona de copas na que a miúdo se rexistran pelexas entre os mozos, moitos deles adolescentes, que alí acoden durante as madrugadas das fins de semana. Trátase ademais dunha vía peonil estreita na que se concentran varios locais de hostalería, o que provoca que se encha a rúa e incluso resulte difícil pasar no medio do gentío.
Estes feitos foron xulgados en novembro pasado ano e a Fiscalía solicitou oito anos de prisión para cada un dos tres acusados, aos que se sumaban outros dez por dous delitos de lesións para dous deles e seis para o terceiro.
Durante a vista, a fiscal pediu unha sentenza exemplar para evitar que se repitan pelexas dunha "violencia inusitada", como esta, porque considera que "non foi só un ataque ás vítimas, senón tamén un ataque frontal á tranquilidade da sociedade".
