Os bombeiros de Lugo mobilizáronse este martes pola tarde, sobre as 15.30 horas, na Rúa do Teatro para atender un aviso por un suposto incendio nun dos pisos do inmoble número 17 da ruela que une esa vía cos xardíns da Deputación.
Tras acceder á vivenda os bombeiros corroboraron que se trataba dunha tixola ao lume, segundo indicaron os propios efectivos que acudiron ao lugar.
Ademais de dous camións de bombeiros, tamén acudiron dúas patrullas da Policía Local e unha ambulancia medicalizada do 061.
Afortunadamente todo quedou nun susto e non houbo que lamentar danos persoais nin materiais.
