Galicia notifica dous novos falecidos con coronavirus, un deles en Lugo

A Consellería Sanidade notificou dous novos falecidos con coronavirus en Galicia, o que eleva a cifra total de mortes pola pandemia a 4.071. En concreto, informouse do falecemento dunha muller de 91 anos na área sanitaria da Lugo e dun home de 75 na área sanitaria de Ourense, os dous do 19 de febreiro.

En canto ás cifras da pandemia, os casos activos en Galicia continúan na liña da xornada anterior, con 767, e 63 positivos detectados nas últimas 24 horas. A cifra de hospitalizados baixou lixeiramente (-8), ata os 159.

Por áreas sanitarias, a que ten máis casos activos é A Coruña, con 175, seguida de Santiago, con 134, Lugo, con 120, e Ourense, con 103. Por baixo do centenar de casos activos está a área de Vigo, con 91, a de Pontevedra, con 76, e a de Ferrol, con 68.

En canto aos hospitalizados, 34 están na Coruña, 27 en Pontevedra, 26 en Lugo, 24 en Santiago, 18 en Ourense, 17 en Vigo e 13 na área de Ferrol.