O Ministerio de Fomento prevé aplicar un firme drenante na A-6 para mellorar a seguridade da vía. A subdelegada do Goberno, Isabel Rodríguez, reiterou este mércores que o Executivo traballa nun proxecto para substituír os parcheos aplicados na primavera de 2018 polo anterior Goberno, que se fixeron cun material que provoca problemas de adherencia cando chove.
Rodríguez recordou que nos Orzamentos do Estado figura unha partida de catro millóns para mellorar a seguridade da vía e afirmou que pode haber partidas extraordinarias se é previso actuar na mellora da seguridade viaria.
O rebacheo realizado en 2018 executouse polos problemas de seguridade que había na autovía polas fochancas e as roturas da firma, pero a obra fíxose cun "drenante en parche, que xera puntuais situacións indesexables con choiva intensa e, por ese motivo, agora trabállase para mellorar a vía", segundo a subdelegada do Goberno.
Rodríguez apuntou que nestes momentos, o ministerio ultima a redacción dun proxecto que abarca toda a A-6 en Lugo. Este inclúe rodaxe de firme drenante, co obxectivo de eliminar as situacións puntuais indesables de perigo que se dan nesa vía pola mal drenaxe que ofrece o pavimento.