O ministerio fiscal solicitou no seu escrito de conclusións provisionais a expulsión do territorio nacional durante seis anos dun mozo estranxeiro —con iniciais E.E.M.— que foi acusado dun delito contra a saúde pública por traficar con haxix na capital lucense.
O home foi sorprendido por unha patrulla da Policía Nacional sobre as cinco e media da tarde do 19 de outubro de 2016, cando lle vendía supostamente droga a outro mozo na Rúa do Sabugo. O fiscal solicitou para o mozo unha condena dun ano e nove meses de prisión, pero pediu que se lle substitúa a pena pola expulsión do país.
O xuízo celebrouse este xoves no Penal 2.