Dúas persoas resultaron feridas na tarde deste luns nun accidente de tráfico ocorrido na cidade de Lugo e no que se viron implicados tres vehículos. En concreto, segundo a información achegada polo Centro Integrado de Atención de Emerxencias 112-Galicia, o suceso ocorreu sobre as 15.30 horas, concretamente na Praza Fonte dos Ranchos, á altura do cruzamento coa rúa Quiroga. Ata a zona desprazáronse efectivos da Policía Local, Protección Civil e Bombeiros da cidade, así como unha ambulancia do 061, que trasladou aos feridos ao centro hospitalario de referencia para que fosen atendidos.
Procura