Tres octoxenarios foron atropelados este xoves pola mañá na cidade de Lugo en pouco máis dunha hora en dous accidentes de tráfico no centro urbano da cidade. Un home de 80 anos resultou ferido a as 11.20 horas fronte ao número 9 da rúa Río Navia.
O turismo, conducido por unha muller de 42 anos, atropelou ao peón —con iniciais J.V. G— cando saía de entre dous coches estacionados. En principio, segundo informou a Policía Local, o home non presentaba lesións de consideración.
Máis tarde, sobre as 12.40 horas, rexistrábase outro atropelo na cidade, neste caso no cruzamento que forman as rúas Eloy Maquieira e Curros Enríquez, onde un turismo alcanzou a un matrimonio de octoxenarios, que caeron ao chan. Aínda que aparentemente non presentaban lesións, dada a súa idade foron evacuados a un centro asistencial para pasar un recoñecemento médico.