Un condutor resultou ferido nun accidente de circulación rexistrado no quilómetro 76,200 da estrada Nacional 640, que une Barres con Vilagarcía de Arousa, dentro do termo municipal de Lugo.
O sinistro produciuse ao redor das 8.00 horas da mañá, cando o turismo, no que viaxaba o home, chocou por alcance contra un vehículo con remolque autocargador.
A vítima foi evacuada ao Hospital Universitario Lucus Augusti.
Ata o lugar do accidente trasladáronse os axentes do subsector de Tráfico da Garda Civil de Lugo.