Unha persoa resultou ferida nun accidente de tráfico que se rexistrou este sábado, pasada a unha e media da tarde, no punto quilométrico 508,100 da estrada Nacional VI, preto de Ramil. O contratempo produciuse nun tramo recto ao chocar por alcance un turismo contra outro que lle precedía, nas inmediacións dun cruzamento.
O contusionado foi atendido polo persoal sanitario dunha ambulancia. Axentes do subsector de Tráfico da Garda Civil de Lugo regularon a circulación.
