Dúas persoas resultaron feridas este martes nun accidente con dous vehículos implicados na Rúa San Eufrasio, preto da estación de tren. Foron evacuadas de urxencia ao Hula.
Atendendo á información do Centro Integrado de Atención ás Emerxencias de Galicia, o sinistro produciuse cando pasaban poucos minutos das oito da mañá. Para auxiliar as vítimas, o 112 mobilizou o servizo de urxencias sanitarias do 061, os Bombeiros de Lugo, a Policía Local e Protección Civil.
Os sanitarios atenderon no mesmo lugar do accidente aos afectados, un home de 53 anos —con iniciais A.C.C.— e unha muller de 87 anos (M.O.C.A.). Posteriormente, ambos foron trasladados ao hospital en ambulancia.