Unha persoa resultou ferida na mañá deste martes tras ser atropelada no centro urbano de Lugo, no barrio da Residencia, cerca do recinto que ocupaba o antigo Hospital Xeral. Segundo informaron fontes dos servizos de urxencias, o accidente produciuse cando pasaban apenas uns minutos das nove e media da mañá na Rúa Doutor Ochoa.
Para auxiliar a vítima, o 112 mobilizou o servizo de Urxencias Sanitarias-061, a agrupación de voluntarios de Protección Civil, os Bombeiros e a Policía Local. Logo de recibir os primeiros auxilios no mesmo lugar do accidente, a persoa ferida foi trasladada nunha ambulancia de soporte vital básico ao hospital Polusa.