O presidente da Xunta, Alberto Núñez Feijóo, recomendou "encarecidamente" a lectura das memorias de Tomás Notario Vacas, un "arxentino de nacemento" que se debe considerar "máis lucense ca muralla". De feito, Notario Vacas foi alcalde de Lugo en dúas ocasións.
"Para Tomás isto das memorias é un capítulo máis dunha vida digna de ser contada como un libro", indicou Feijóo en vídeo no que lle agradece a invitación á presentación das súas memorias, aínda que lamenta que por culpa da pandemia non poida acudir en persoa.