O presidente do PPdeG, Alberto Núñez Feijóo, participará este domingo 28 de outubro na tradicional pulpada que, cada ano, coincidindo coas festas de San Froilán, celebra o PP de Lugo cos seus afiliados e simpatizantes. Os dirixentes do PP na provincia, entre os que se atopan a presidenta provincial, Elena Candia; e o vicepresidente e candidato do PP á Alcaldía de Lugo, Ramón Carballo, acompañarán a Feijóo nun paseo pola zona centro da cidade, que se desenvolverá antes de comer.
Posteriormente, cargos públicos e membros do partido trasladaranse a A Fortaleza de Torre de Núñez, onde participarán na comida para a que está confirmada a asistencia de case 1.000 persoas procedentes de todos os municipios da provincia, que xa adquiriron a súa 'entrada' por un prezo de 27 euros. Ao superar as previsións, foi necesario habilitar un novo espazo para esta reunión.
