Rodeado de centos de militantes do PP, Alberto Núñez Feijóo advertiu este venres en strong<> Lugo que o Goberno central e os seus socios non teñen ningún interese por Galicia e que o seu obxectivo é obter a maioría necesaria para evitar que tres ou catro partidos impidan que goberne o partido máis votado polos galegos.
O candidato dos populares dixo que, tras pechar dez anos de xestión en Galicia, vai lanzar un programa para a próxima década, con obxectivos ata 2030, e advertiu ante os seus que só hai dúas opcións ante as eleccións do 5 de abril: un goberno que goberne ou unha oposición multipartita da que se descoñece o liderado e á que o único que a une é impedir que goberne o partido que gaña as eleccións.
