domingo. 05.07.2020 |
El tiempo
domingo. 05.07.2020
El tiempo

Feijóo: "A Deputación ten os motores apagados, o único que funciona é a Xunta"

Elena Candia e Núñez Feijóo, durante a pulpada. VÁZQUEZ
Elena Candia e Núñez Feijóo, durante a pulpada. VÁZQUEZ

O presidente de Galicia acudiu este domingo a Lugo para asistir á tradicional pulpada que celebra o Partido Popular por San Froilán

O presidente do Partido Popular de Galicia, Alberto Núñez Feijóo, lamentou este domingo en Lugo que haxa partidos que "pretendan destruír e retorcer a man que nos demos hai corenta anos".

Nun discurso na capital lucense con motivo da tradicional pulpada dos populares lucenses con motivo do San Froilán, Feijóo dixo que nas eleccións municipais de maio de 2019 non só elíxese ao alcalde ou alcaldesa senón que se elixe "a forma de vivir en democracia, de respectar aos demais e de vivir en liberdade".

Por iso, afirmou que "as eleccións son para elixir o modelo de país e para dicir xa abonda de bromas e de señores que queren romper o edificio que construímos entre todos", e lamentou, neste sentido, que haxa partidos que "pretendan destruír e retorcer a man que nos demos hai corenta anos".

Durante a súa intervención, Feijóo mostrouse convencido de que o PPdeG será o partido de referencia para a maioría dos lucenses. "En cada concello da provincia temos que estar á beira dos nosos veciños. é imprescindible ser accesibles, pero ademais de falar, hai que facer”, indicou.

Feijóo dixo que o PPdeG é o único partido que ten un proxecto para Lugo e que proba diso son os orzamentos do Goberno autonómico para esta provincia, e dixo que a Xunta investirá máis de 4.000 euros por cada lucense.

Puxo de manifesto durante a súa intervención a parálise que segundo dixo padece o Concello de Lugo e unha década de cotenadas “” na Deputación Provincial. "Teñen os motores apagados, o único que funciona é o da Xunta”, sinalou.

Feijóo: "A Deputación ten os motores apagados, o único que funciona...
comentarios