A Federación de Asociacións de Vecinos de Lugo anuncia unha proposta para transformar o Hospital de Calde nunha residencia pública da terceira idade, que trasladará ao Goberno galego.
Jesús Vázquez, presidente do colectivo veciñal e tamén en nome de Galicia Baleira, afirma que "agora é o momento de facer pública a proposta e agardar unha resposta, xa que para nós é totalmente posible".
A principal razón para o cambio, segundo explica Vázquez, é a necesidade de desconxestionar a media de dous anos de lista de espera para obter praza nunha residencia pública. "Dende a creación da residencia pública das Gándaras fai corenta anos non se crean prazas públicas nin no concello nin na contorna", explica o dirixente veciñal.
CUSTO. Así mesmo, sinala que outro punto a ter en conta é o
Outra razón que teñen en conta é o
A proposta da federación veciñal non require dun alto investimento, xa que, segundo afirma o seu presidente: "O edificio xa está listo e dotado para prestar ou servizo e o único cambio sería a nivel legal para convertelo nun centro sociosanitario", di.
A accesibilidade, a comunicación, a contorna e as instalacións son os puntos fortes do Hospital de Calde, dedicado agora a centro de atención a enfermos mentais, quen tamén son tidos en conta na proposta veciñal. "As persoas que sofren problemas de saúde mental poden ser trasladados ao Hula", manifesta Jesús Vázquez.
"O hospital ten preto de 260 prazas e o número de enfermos está entre 40 e 70", ilustra Ángel Rodríguez, que engade que o edificio está ben conservado e cumpre con todas as condicións para unha residencia da terceira idade. "O investimento sería mínimo e podería ser unha das residencias de persoas de maiores mellor dotada de Galicia", afirma.
Función social
Ángel Rodríguez destaca que o Hospital de Calde presta un servizo social a persoas que non contan con apoio familiar. Así, considera que aqueles en peor situación poderían destinarse á unidade especial do Hula.
