O delegado da Xunta en Lugo presentou este xoves os orzamentos da Xunta para a provincia á Federación de Asociacións de Vecinos nunha reunión na que os representantes veciñais apreciaron as grandes apostas do goberno autonómico, pero tamén reivindicaron investimentos para proxectos como a finalización da ronda Este e do plan Paradai na capital, a construción de residencias de maiores na provincia ou avances nas redes de saneamento de núcleos.
O presidente da federación, Jesús Vázquez, valorou o talante do delegado da Xunta e a súa disposición para buscar acordos "abrindo camiño ao diálogo".