Unha familia lucense, de tres integrantes, atópase entre os preto de 800 hóspedes que deberán pasar 14 días en corentena nun hotel de Adeje, onde se rexistraron catro positivos de coronavirus. Preferiron non contar publicamente o seu caso para non intranquilizar os seus achegados.
Como o resto de confinados, entreteñen o tempo entre a televisión da habitación e a piscina. A praia está prohibida.
O Goberno canario baralla deixar saír a 100 destes turistas que chegaron máis tarde da aparición do brote de Covid-19.
