Antonia Calvo Blanco, unha das primeiras edís do Concello de Lugo, faleceu o pasado mércores. Antonia, máis coñecida por Tucha, presentouse por UCD ás primeiras eleccións municipais da democracia, celebradas o 3 de abril de 1979, e foi unha das dúas concelleiras elixidas naqueles comicios, xunto coa socialista Sonsoles Izquierdo. Ambas, Antonia e Sonsoles, foron as dúas primeiras mulleres edís do Concello de Lugo en toda a súa historia.
José Manuel Novo Freire encabezaba aquela lista de UCD e resultou elixido alcalde dúas veces en poucos meses, como tamén sucedeu con Antonia Calvo, que o acompañaba como candidata a concelleira. Esta primeira corporación municipal da democracia foi moi fugaz: durou pouco máis dun mes dado que os comicios foron anulados pola Audiencia Territorial tras ser aceptada unha denuncia para que fosen impugnados os votos da mesa de Ombreiro. A demanda foi presentada por Independentes de Lugo, unha lista que encabezaba o empresario Mauricio Posada Veiga.
Houbo novas eleccións o 3 de outubro dese ano, que revalidaron a alcaldía de Novo Freire e tamén a Tucha Calvo como concelleira pasando a ser entón a única muller da segunda corporación dado que Sonsoles Izquierdo non volveu concorrer ás eleccións na lista do PSOE ao presentarse outra alternativa, encabezada por Manuel Guillermo Varela Flores e votada por maioría na asemblea do partido que deixou fóra, ademais da Sonsoles, a outros dous edís elixidos nos primeiros comicios, Mariano Sanz e Juan Carlos Alonso Gianonatti.
Sonsoles Izquierdorecorda a Tucha Calvo como "
Tucha Calvo foi farmacéutica e profesora do Seminario. Estivo casada co pintor monterrosino Antonio Yebra de Ares e deixa un fillo, Miguel Ángel, e dous netos, Miguel e María Yebra-Ares Ron.