A Consellería de Sanidade notificou este xoves o falecemento dun home de 78 anos diagnosticado con coronavirus este mércores no Hospital Lucus Augusti (Hula).
Segundo informa o Sergas, a vítima tiña patoloxías previas.
Tras 14 días sen contabilizar ningunha morte de persoas con covid-19 na área sanitaria, o Sergas notificou este xoves o deceso deste home, a vítima número 222 da pandemia na provincia –214 segundo os datos de Sanidade, que non contabiliza os lucenses falecidos noutras áreas–.
A cifra de mortes vinculadas coa pandemia en Galicia ascende a 2.393.
