Un home maior foi trasladado este sábado ao Hospital Lucus Augusti por unha ambulancia do servizo 061 tras sufrir unha caída cando camiñaba pola beirarrúa na Avenida da Coruña.
O accidente tivo lugar ao redor da unha do mediodía nesta transitada vía pública, case á altura da Rúa Mallorca, no barrio da Milagrosa. O home, que se golpeou na cabeza, sangraba copiosamente.
Ademais do persoal sanitario da ambulancia, ata o lugar do suceso tamén se desprazaron dotacións das policías Nacional e Local.
Dada a hora á que se produciu, foron moitos os lucenses que foron testemuñas da caída e vivíronse momentos de preocupación polo estado do ferido.
