Un ciclista resultou ferido este sábado en Lugo tras unha colisión cun turismo na Rolda das Fontiñas. Os servizos sanitarios de urxencia trasladaron ao home, que presentaba lesións de diversa consideración debido ao impacto.
Un particular avisou 112 Galicia preto das 10.00 e activouse un operativo de asistencia. O accidente produciuse á altura do número 125.
Foron mobilizados os profesionais de Urxencias Sanitarias de Galicia-061, que evacuaron ao ferido ao Hula. Tamén acudiron ata o lugar axentes da Policía Local e foron avisados os Bombeiros de Lugo e os efectivos de Protección Civil.