A iluminación da muralla é bastante deficiente nalgúns tramos do adarve, o que condiciona a seguridade dos centos de lucenses que acoden a pasear polo monumento ou a facer exercicio.
Moitos veciños acoden á muralla ao final da tarde a facer exercicio e entenden que o risco de sufrir un accidente é alto pola escasa visibilidade nalgúns tramos, que adoitan coincidir ademais cos de piso máis irregular.
Queixas polos estorniños
As bandadas de estorniños seguen presentes aínda na cidade e xeran importantes problemas de sucidade nos espazos nos que se asentan. Con todo, a limpeza neses espazos é máis que deficiente, segundo denuncian lucenses. Os parques de Rosalía de Castro, Frigsa ou a avenida de Ramón Ferreiro están entre as zonas máis afectadas pola presenza das aves.