Un ano máis, os lucenses malgastaron enxeño e imaxinación nos concursos de disfraces celebrados ao longo e ancho do municipio. A cita organizada polo Concello congregou a máis de 200 participantes e repartiu 6.850 euros en premios.
Na categoría individual inscribíronse once persoas, que competiron por tres premios de 500, 300 e 200 euros, ademais doutros tres premios adicionais de 50 euros cada un. Nesta categoría, os gañadores foron 'Exterminio apocalíptico', 'La Feria' e 'Reciclaje'. Tamén resultaron premiados 'Descentrao', 'Atopei un niño non entroido' e 'Espantabruxas, meigas e curuxas'.
As oito parellas que se presentaron ao concurso competiron por tres premios de 600, 400 e 300 euros, e por cinco premios de 100 euros. Os gañadores foron 'Catrinas da terra', 'El baile de las mariposas' e 'A invención de Theo'. Ademais, houbo premios para 'Los guardianes del bosque', 'Continente africano', 'Aladín' e 'A la feria y a la arena, olé e olé!'.
Finalmente, as quince comparsas concursantes disputáronse tres premios de 1.100, 800 e 600 euros, xunto con sete premios adicionais de 200 euros. Os galardoados foron: '¡Sorpresa, sorpresa!', 'Colgar' e 'Argalleiros'. Tamén resultaron premiadas 'Pop Art Show', 'Carta na mesa, presa', 'Volvendo á infancia con Barrio Sésamo', Os apocalípticos', 'La primavera ya llegón', 'As medusainas' e 'Kyoto, tierra de gueixas e samuráis'.
Pola súa banda, o Círculo das Artes acolleu unha festa infantil de Entroido, na que o prato forte foi o desfile de disfraces, no que houbo uns 70 participantes, tanto individuais como comparsas. Entregáronse dous premios aos disfraces máis elaborados, que foron para 'Robot' e 'Árbol', así como aos disfraces máis orixinais, que foron a parar á comparsa 'As sufragistas' e ao disfrace 'India'.
A mellor posta en escena foi para outra das comparsas que levaba por título 'Ratas de viños por Lugo'. Igualmente, 'Super Mario Bross' e 'A rockeira' levaron os premios aos disfraces máis divertidos, mentres que os de mellor animación foron para 'Conejo saliendo de chistera' e 'Los Raperos'.
Ademais, foron distinguidos como os dous mellores disfraces 'Frida Kahlo' e 'Mary Poppins'. Logo da entrega de premios, a festa infantil continuou co Show MagiAlucina.
A estes concursos sumáronse outros moitos en diversas parroquias e un teatro itinerante. O Entroido 2020 finaliza este mércores co Enterro da Sardiñaás 20.00 horas, e o Baile de Piñata, ás 22.00.
