Sábado. 22.09.2018 |
El tiempo
Sábado. 22.09.2018
El tiempo

Empezan as obras do aparcadoiro da estación de Lugo

Valos das obras na estación. J.VÁZQUEZ
Valos das obras na estación. J.VÁZQUEZ

Habilítanse 250 prazas en 2.500 metros cadrados de Adif

LUGO. As obras para converter a chaira contigua á estación de tren nun aparcadoiro con 250 prazas abertas ao público comezaron estes días. O proxecto foi adxudicado por Adif, o ente xestor das infraestruturas ferroviarias e titular dos terreos, á empresa pública Tragsa por 105.000 euros hai aproximadamente un mes e foron presentadas polo exsubdelegado do Goberno, Ramón Carballo, nun dos seus últimos actos no cargo.

A Federación de Asociacións de Vecinos propuxera que se lle dese uso a este terreo que na actualidade non se utiliza en tanto non se constrúe nese lugar a estación intermodal. O proxecto foille exposto ao expresidente de Adif Juan Bravo por representantes do colectivo veciñal nunha reunión que tivo lugar en Madrid e que foi xestionada pola presidenta provincial do PP, Elena Candia. O aparcadoiro público construirase nunha parcela de 2.500 metros cadrados que quedou libre xunto á estación de tren cando a terminal de mercancías trasladouse ao Ceao.

Segundo as explicacións que se ofreceron na presentación do proxecto, está previsto unha entrada e saída de vehículos que dará á Praza Conde Fontao e haberá un acceso peonil pola Rúa Alta.

A federación veciñal considera que esta nova zona de estacionamento dará servizo aos usuarios da estación de tren, pero tamén a outros cidadáns que traballan ou fan xestións pola zona, xa que o aparcadoiro nesta parte da cidade é bastante complicado.

Empezan as obras do aparcadoiro da estación de Lugo
Comentarios