A obra para peonalizar a Calzada da Ponte, entre a Rúa Santiago e a N-VI, comezou na mañá deste martes con presenza da alcaldesa, Lara Méndez, e do concelleiro de desenvolvemento sostible, Miguel Fernández.
Os traballos foron adxudicados á empresa Ovisa, con sede en Outeiro de Rei, e prolongaranse durante un ano, a condición de que non haxa imprevistos, como os problemas de subministración de materiais que afectaron nos últimos meses ao sector da construción.
O proxecto forma parte da estratexia Lugo Muramiñae, que se cofinancia con fondos europeos e ten entre os seus obxectivos mellorar a conectividad da cidade coa zona fluvial e facelo con parámetros sostibles.
